Mel Alif lel Ya / من الألف للياء

[دخلة] دياز في لا بْرُودْ فادا فيكس على الميكرو من الألف للياء خويا كل حرف عندو حكاية خويا اسمع مليح... [المقطع الأول] ألف للأمانة و الأداب لي تديرهم سلاح باش تإيفيتي الآلام و تكون ديما من أهل الكفاح و الباء توجور تبقى للبلاغة لي بيها تبان و تجيبْ شوية بهجة ذاك لي بكى و الي برة بات و التاء لهذاك لي تبّع ، تالمون تْعَبْ في التسعينات فالتا لي التراب لي تحته تاني تعمر غير لي دات و الثاء للثورة ، للثقاقة لي ما عطاوها الثقة و الجيم لهاذ الجيل لي جامي ما صبر دقيقة جزايري حتى لي تجرني الموت جماعة الطوكس جينا ديما نديرو المجهود و نجاهدوا فالراب هكا جينا و الحاء للحب و الحق و الحرية و الحال الحالي و الحجرة في الصبّاط لي حطّوها حكّام بلادي الخاء لهذاك لي خدم و خرج و خلاّ هاك الفال ما خدع ما خطف ما خالط ، مُولى خير ذاك الإنسان الدّال لي دبّرْ راسَهْ من الداخل ما درك شا داس و الذال لـ هذاك بالذات لي بـ ذراعَهْ ذكر الناس [اللازمة] من الألف للياء كل حرف بحكاية من الألف للياء تبّعْ الكلام كلمة بكلمة من الألف للياء كل حرف عندُو معنى من الألف للياء خويا من الألف للياء [المقطع الثاني] الرّاء للراب ، الريسبي و الرزق لي في ريسانا و الرقاد لي مرفوض جاب الركود حتى لـ بلادنا و الزاي لهذا الزمان لي زربعنا و ما زال تاني بصح ما يزول من بالي قاع الزين لي راه في بلادي السين للسعي في سبيل السلم في هاذ الساعة والستيل الي سره فالطوكس ما خرج من الجماعة الشين لـ قاع الشباب ، الشيرات و الشاشرة و الشجاعة من الغرب للشرق ، الشمال الجنوب ، و الشعب لي كان معانا الصّاد للصّح و الصواب و الصّميم ، الي صابرديما و الصيف و الصحراء تاع بلادي تتصادف كي تجيها الضّاد للغة العربية لي هكّا نسمّيها في الضيق ولاّ في الضر الراب موسيقى نضرب بيها الظا للـظرافة كونتر الظلم من قلبي أنا نبغيها و العين للعبارات لي في الطوكس نعجبوا بيها معانا في الراب كاين العجب و العبرة تمشّى بيها حنايا في الراب عمالقة و الراب عقيدة لينا [اللازمة] [المقطع الثالث] الغين لـ قاع المغبنة لي تغدرو و تغربوا تمّأ لـ قاعْ لي يغنّوا الراب بلا غُشْ و ستغلّو الكلمة الفاء للفال و القاف للقوة باش تلحق للقمّة القناعة و القراية و القلم و الورقة نقية الكاف لكل الناس لي كبرت بلا وقت هذي كناية للكتبة و الكُتّاب و الكتابات لي قريتْ أنايا اللام للحن و الرسالة لي في الراب حنا بينا للفظ و اللهجات و الإلهام لي جاني الليلة للمال لي ما درناه و لي حلمناه ، لي ما لمّينا الميم للموسيقى لي مئة في المئة أنا نبغيها للموتى لي ماتوا و ما نَنساهُم قاع ماتوا لينا لي يمدّوا المثال بالميزان ميراث خلاّوهْ لينا النون للنصيحة و الهاء للهيب هوب كيما ديما للهُول ، و قاع الهبال و قاع النار لي لاهبة فينا الواو للواعر لي يلعبها هنا ما ينال والو و الياء لي يخدم ينال وسير يبان زمانو [اللازمة ] [خرجة] ياو ... فادا فيكس ديما هنا ، بالمايك و الكلمة دياز ، النايل كلان في لا برود خويا بيغ أوب لـ ديجي رضا جي خويا ماشين غون ، النايلي ، ديجي مراد النايلكلان ، المعاهدة هذي ليكم يا... هذي ليكم يا... هذي ليكم يا... Peace