Hkaya / حكاية

[المقطع الأول] هاي أطلق الموسيقى خويا رضا جي نطلق أنا هاذ الكلمات على ورقتي نحكي حكاية ياو نتاعك و نتاعي ما جابتلنا والو لقلوبنا عندها ما تدّي ما علابالهمش ياو شحال من سهرة ياو شحال غبينة ياو شحال من خطرة تمنّينا يفهمونا فالتالي خرجنا صحرا مدمرين مالداخل و رانا صابرين من برّة ياو حكايتنا راهي حكاية تاع جيل كان يقاسي في النهار و يحلم في الليل الهيب هوب جا كيما لي يورّيلك السبيل ولّينا نعيشو في النهار ياو نكتبُو في الليل و كل ما تزيد تظلام ، ورقتي راهي تتنوّر أنا راني هاني علابالي واش راني ندوّر خاطر في الغابة كاين لي خيروا الحدرة و المادة حنا صحاب النية خيرنا العقبة و الخدمة كي تسقسيني علاه ياو مازال راني نرابي؟ خويا في خاطري في خاطر لي يفهمني بالاك غير واحد بزّاف عليا صاحبي الكلمة وصلت و رانا متوكلين على ربّي [اللازمة] هاي ديجي رضا جي ، ها رواح معايا هاطلق موسيقتك و خليني نحكي الحكاية ياو نتاعك نتاعي ياو نتاعنا السكراتش عليك بابا و الكلام راه عليا [سكراتش] خويا الراب عندنا في القلب ما ينشرى ما ينباع حس كلامي حس شعال نبغي في هاذ.. خويا الراب عندنا في القلب ما ينشرى ما ينباع ديما في الصراع ، الراب في القلب... [المقطع الثاني] عمبالك بلّي موجة الهيب هوب داتنا الدنيا راهي تدور غدوة تجي دالتنا نقعدو في الكرسي و نطبقو سياستنا باه يفهمو الكلمة ، المعنى ، باه يفهمو عقليتنا سياسة الصّح ، ياو سياسة القدر تاع خدمة القلب لي عليها كل يوم راني نهدر سياسة المعنى لي تلقاها في كل سطر و حُب هذا الفن لي راه قاطن في الصدر كل يوم في هذا الفن رانا نجاهدو مرّات يجي الياس و يركع الستيلو نشيّب شعرة ولاّ زوج... يكفيني نشوف لي محوّ طبيا باه قاع نوضو كاين لي خيّرْ خدمة الهف و راه يسكّت حنا خيرنا القلب لي في النيران يتشد النية تخلّص في التالي و الحابس علينا يحكم خاطر في هاذ الزمان ياو راني متأكد أنا كي نغنّي الناس ما تشعّلش البريكا كي نروح عند ليديتور ما يعطينيش 100 بريكة رانا شادين في حب و ثقة العايلة ديديدكاس لـ رضا جي و قاع ناس بريكة اليوم نايل كلان و الطوكس راهم ... نبقاو اليد في اليد ياو الصيف و الشتاء الفرجة و الفرحة ياو في وقت الشدة خاطر في هاذ الزمان بقات غير الكلمة و الصحبة [اللازمة]