True Story (النتيجة)

النتيجة عكس ما توقعت زعلت سألت ليه ليه الدنيا ماشية عكس والواطى بيبقى بيه طلعونى غلطان وقالوا عملك بتلاقيه وأنت عملك زى وشك لازم تفوق من اللى انت فيه وكل ما يجيى فى بالى اللى حصل بشكل تانى بأتصدم كأنى لسه بادىء منه حالا أعانى ويوم بيجيب التانى ولسه زى مانا مفقتش خايف أتعود على احزانى كأنى لسه مشفتش اللى قبلى وكان قدامى وعقله كان يوزن جبال لقاها متقفلة فبدأ يتعود على الأقفال ولسه شايفه قدام عينى بيندم على اللى عدى دموعه مش على عينه بيستخبى فى المخدة وعود بشهود والتنفيذ لسه مش موجود تحاول ..افضل حاول فى النهاية بتلاقى مسدود لازم تكون مسنود علشان تعدى الحدود لو اللى فى ايدك كان محدود لازم تقبل بالموجود فلحد أمتى حافضل كتفى محنى من اللى شايله لسانى مش بينطق باللى فيا وحالى قايله مش باشتكى لأ بأكتب فى كتاب حياتى جزء منها خيالى بقى مسموم بسموم خايف أنا ادمنها أنا شايف حلم أجمل لكنى ماشى أعزل فى دنيا ظالمه أقل خبطه فيها بتيجى فى مقتل