Rebelote

[الدخلة] أيي نتوما لي بوتفليقة لي سرحلكم عندي كلمة نلحڨهالكم (نسمعهالكم) [المقطع الأول] استعرفوا بلي حشاوهالكم لزم تستعرفوا بلي حشيتوها لرواحكم ضعنا معاكم لي كانو فبلاست دي مارتير فالجوان قبل ما لفيس يتخبى ولي بعتكوم تموتوا طفل تاع ثمن سنين من القبى نهار علي بلحاج وعلي المداني ولاو خير من الطيب الوطني والجهالة دخلولكم في راسكوم أنا الله أرسلني والشعب يتمنى ڨالولو فوطي تروح للجنة تڨول مزال واحد فهاذ الدنيا ربي سبحانو يكلموا كرهولكم دنيتكم شبحولكم أخرتكم جيتو للموت تتقدموا عمبالكم فتحتات خلاص كيما الصحابة لرضوان ديراكت نسيتوا بلي الناس أفونسات بينك وبين ربي وش دخلك فلغاشي جهلت ولا صلات كاين شي ناس زعما تابت ولات دعاة ولات ذباحة ولات بومبات أحفظتوا زوج آيات عمبالكم لحڨتوا فهاذ الدنيا كاش ما فهمتوا والو كاش حابين تفهموا لآخرى فهاذ لحياة كاش حجا مليحا درتو كاش حابين تستهلوا لملاحة فلآخرى منيش نحكم حاب برك نفهم كي تقبض روحك في بالك طريق الصح راك تخدم كي ترغم راجل ولا امرى كي تولي على الناس عالم بلا ما تقرى ؟؟؟ وزيد لخلايع فالهدرة كي تجي الدافع على لحق وتبدا بلحڨرى وش من حق يحصرا تهدد بالنار وتوعد بالخضرا شكون نتا سلك راسك واحد ما ضمنوا منين نتا علم الغيب واحد ما حاضنوا وين رايح نتا لو كان علبالي لمشكل هنا ندفنوا ينشف الدم لو كان نتيقنوا بلي لقبيح لي فيك مور وجه لملاحة راك حاجروا ويلا تخمامنا مشي كيف كيف مكلاه نڨسروا بين لي راحو بحالهم ولي رفدوا السلاح وفقلبهم كره ڨولي شكون فينا لي خسروا شكون فينا لي خسروا [فاصل] [المقطع الثاني] ڨولي كاش راني نبان لك منرفي عمبالك راني نهدر خاطك البيي مريزرفي بصح لوين c'est vrai لوين ڨاع رانا ريحين نهار طيرتنا تدفين ملا نكمل برحمة ربي و الوالدين التاكست هذا مشي ليكم لزاباش كيما نتوما صاي عليكم قتالين حيوانات تستهلوا الرصاص ياكلكم من طريڨ المومن يڨلعكم بيا ولاد حومتي لي تبعوا فيكم ماشيين فطريڨكم وحايديرو الروبولوت يهدروا معايا شغل هوما الصحابة وأنا من قوم لوط يفتيو عليا خطراه عبايا ولحية الله يهديني ويكون معايا كشغل كتيبتي مشي علم مشي قرايا كشغل جامي كبرنا كيف كيف عرايا كشغل هوما فراوها ضمنوها ويخافو عليا أنا ولي يسمعوا فيا والدنيا الدور ويجي نهار جبهتهم بالموت تحكم عليا كيما فالربعة وتسعين ولا ثلاثه وتسعين تتعاود الغنيا مالا ڨوللهم علبالي وش كانو وش راهم ولول القبلى وش داهم ويكون ربي معايا كيما راح اكون معاهم ربي يكون معاهم