Ki yebred lehdid/كي يبرد لحديد

[الدخلة] أي وشبيكم (rabah old solo 2002) بلعقل سايس وشبيكم ضلو تقطعوا فيهم سايس علاش أخويا علاش خاص برك تيرو عليهم بلوكا تيرو دوك ندير عليهم أفوكا نديرو ندير عليهم أفوكا [المقطع الأول] نقايا و صافيين كي الذهب معندنا من قولي فيكم رخاس لي جورناليست لي ضلوا يقطعوا فيكم قاع خراق السدم والغاشي جامي فهمكم مشافوش بلي نتوما لي سلكتوا لبلاد خمسة سنين مور الشعب نضتوا قاع للجهاد نهار قلتوا لرواحكم القيرة خير من الرقاد ولا فرانسا غرستكم فهمتكم مصالحها ومصالحكم هدرا فرغا نفهمكم نتوما بيكم لبلاد نتوما صححتوا الثورة بقات لحالة مسطورة حوستوا لكوستيمات لبستونا البريولي ورحتوا بينا بعيد صبغتونا بالروز صبغتونا بلفيولي لبسنا تاريخ جديد زدتوا عليها بن جديد مخليتوهاش ترشا لالا جامي حاشا دخلتونا قاع فالصف قرينا العربية بلخف لحبل جامي لترخف مليح من داك الكف [اللازمة] تغييب علينا الشمس وتروح الدير خدمتها في جوايه لفلوريد لما يحمى في مايامي وفجوايه الشلف يبرد لحديد تباتوا ساهرين باش تتهلاو فينا الليل خدامين الله يخليكم لينا [المقطع الثاني] مليح كينداك نترخسوا ندو الضرب بش نتسلسو يغلط تعطيه الحس بيكم خرجنا مربيين نتوما خير من لوالدين نشكر لفوندامونتال على الثناشنا تاع حبس ونساو لغاشي بلي نتوما أممتوا لبيترول نحيتوه لروميا ورجع ليكم لكونترول عمرتونا لي كاس تستهلوا داك الباكتول وعمرتونا لكيسان وطباسا لالا شبعنا شبعتونا بنان سبعه ألاف درنا رينا غير بكوستيما وزعكا في الخارج زاد قدرنا والحمد لله كلشي راهو يلحقنا من شيكولا لرصاص خويا حاجه متخصنا فهاذ الغنية نقّر الخير لي درتوه فينا قاع صحلنا قبر تراب الطري واتينا نموتوا برك متربي وغير السخانة تقتلنا بسلامة الوفاق واحد ماهوا يذبح هنا رانا عايشين سلكنا [اللازمة] [المقطع الثالث] جاسبار الكوستيمات لي فصلوهم الرواما يحفظوكم من البرد تاع لي كليماتيزور علبالي صايي كبرتوا جاسبار لباتيمات فلكول فيهم لسونسور غير متكسروش راسكم كي جو لقبايل اعيطوا حدا لبالكو تاعكم علبالي لبراوات لي شعب راهو يبعتهوم لفوت تاع لفاكتور مراهوش الحقهوم منعندهم عيوا لي فونكسيونار ونتوما تاع بوفوار مشكل كيف كيف مشي منهم نتوما لي كوميرسوا راكو دجيبولنا الدراهم تهنيا من ليموبري عملنا مليح كي بعناهم أو كاين الحجار سوناطراك لايروبور شوف شاري بيع يماهم Vive l'économie de marché ولي بيترو دولار والأماراء معاهم بيضتولنا لحالا من باتيمات لدراهم انورو وجوهكم زيدو لباسبور معاهم (علابالي) [اللازمة] [الخرجة] الله يخليكم لينا والله العظيم لش تا تسلفونا مفاتيح الفيلا تاع موريدي شويا نلاكسي نجو نجوزو عندكم الصيف كوبي برك كوبي