El mouchkil / المشكل

[الدخلة] كاين بزاف إيجو يحكولك إقولولك كلام بلاك يعجبك وإذا من جهتي يغبنك يبداوها بكلامي حتى الوش راني لابس أم بي أس قروب حابس و خدمة ست سنين بلا ما تتسمع تتعفس [اللازمة] المشكل اللول: اخدم أمبعد حل فمك المشكل الثاني : شوف كاش طولي إسقمك المشكل الثالث : درناهم ولا لالا المشكل الرابع : خير منا صحاب الدلالة المشكل الخامس : لالا منيش منيرفي !المشكل السادس : الشاح اكروفي المشكل السابع : واحد ما يقطع فيا ولي خصو مشاكل إجي نعطيلو شويا [المقطع الأول] الهدرة الزايدة كثرت العقلية صايي فسدت خلاص النفس فـ لاكواريوم نكره نريح مغموم فيك نلقى لصلاح واليوم نتا ناس ملاح حتان يخرج نص جناح وتما نجبد عليك لدير نقولك خطيك لي ماشي ليك إعييك لمارطو معايا فالظهر كي لي ينقش فلبحر صبر عليا شويا وغدوا تشوف المصغر كي كون الخاوة مكملة نتا مزال تستغفر أنا جامي نتنرفا ومعاك نريح صفا جامي نهبط النيفو وش جاب الما لـ الزيقو؟ رونديفو مع الندامة مشي كيف كيف لي فقلبوا سيف ولي فقلبوا حمامة [اللازمة] [المقطع الثاني] كاين ناس هدارة كاين ناس خدامة كاين ناس شششتت وكاين ناس شكامة كاين عباد كيما نتا يلزملهوم كمامة معا من راني نهدر؟ تآمن معلبليش لي شك في روحو إريح ما يطرش فكول حومة يدير النش ياك الناس خفيفة لودان رهيفة وخرايبك يالجيفة كي الجرنال تتفرش كي المشكل اللول كي المشكل الثاني يحبسوا المشاكل كي ننساك وتنساني ياك حنا لي زالجيريان شواكر التقطاع سمع خوك بلال تفهم علاه يتباع الخاوى قاع علامة [اللازمة] [المقطع الثالث] الجايا أنا تاني معاكم فلمعمعة غير نتعلموا نمشوا متكفيناش القاعة نهار كامل مربعين جبناها كارتا ودومين جامي فهمنا وعلاه حنا هكذا مسخوطين نحصلوا فواحد الحاجة نسموها لبلاد نحصلوا فواحد الحاجة نسموها العباد ليك ياخي عباد ليك ياخي بلاد الناس قاع أنتيك والناس قاع كعاب كي نهدروا قاع هاكذا ياخو وين راه الشعب دخلتنا قاع لفهامة تقول زدنا معلمين قاع فيهم لعوج وقاع الخاوة مسقمين تسلك بهاد العقلية بصحتو فيلات يطلب السماح ليماه وجماعة لي معاه سوفرات مي الله غالب عليهم مزال إديرو فـ لاتاك كيما درنالهم مهنات صونديتو في الراس صفات صونيتو كيفي و فرات [اللازمة] [الخرجة] إنيرفيو فينا في باطل إعمرولك راسك بالمشاكل في باطل هذا مكان قاع كيف كيف قاع قاع أنا تاني معاهم صفا هكدايا غير الهدرة غير التبلبيل مكان والو شايف مكانش مشاكل حنا نخلقوهوم ياخو الناس إقولو نسا الهم ينساك ...شايف وحنا المشاكل المشاكل المشاكل [اللازمة]