Saba7 El5air Ya Masr

صباح الخير يامصر أحمر نابض أبيض ناصع اسود حالك نسر شامخ شر غامض خيرنا وامض غيرنا حاقد رب ساتر سد عالي غاز طبيعي قناة سويس ونيلنا غالي سينا طابا توشكى وخير جند الأرض في القتالِ ناسنا من العذاب بتلالي والأسعار طالعة في الغالي والوضع لتحت نازل من العالي أحوالكم هيا هيا أحوالي وتعدي أيام وليالي ويعيد نفسوا تاني سؤالي شبابنا هيعمل ايه سؤال على طول موجود في بالي شباب تفكيروا في ناحية وحده بس سفر وهجرة تفكيروا في بكرة واللي هيجرى يروح يشم بودرة ويحاول ينسى وقلبوا يقسى ومش لاقيلوا مرسى يتقرص القرصة ومفيش فرصة وبرضوا الدنيا هرسة وهيا ديا الكارثة لما تلف جوا دايرة تقف مراكب سايرة البت تكبر تبقى بايرة دي مش فكرة طايرة دي حقيقة ومعلومات عن ناس كتير عايشين وناس هتيجي وناس أموات ==== صباح الخير يامصر .. دي آخر الأخبار بينقلهالكوا أمين واحد من الأحرار صباح الخير يامصر .. وهوا دا اللي بيحصل بينقلهلكوا أمين وانا عارف كلامي بيوصل ==== معاك فلوس في الغربة يبقى كأنك عايش في بلدك معكش فلوس في بلدك يبقى كأنك عايش في الغربة حاسس انك عايش في تربة مش قادر تغير جلدك لما قدرت تغير جلدك لسه حاسس انك في التربة ايه الفرق بين جوا وبرا وكل حاجة شبه التانية اي حاجة حلوة مره حياتنا معدش فيها ثانية ليها طعم فيها فرحة الناس أشرار نفوسهم جارحة عايزة تتجوز تعيش الفرحة بس هيا بخيالها سارحة هو عاوز فلوس كتير نفسوا يسافر نفسو يطير نفسوا يغير المصير اللي صار كتير عسير وقع في بير ملوش قرار راح بعيد عن الأحرار مكنش بأيدوا لازم يختار انو يطلع برا الدار يضبط نفسوا لنفسوا يكون يمشي سليم من غير مايلون ومفيش حاجة عليه بتهون نفسوا لقلبوا لعقلوا يمون في أقرب ناس ليه بقى بيخون فقد أحساسوا بالأطمئنان بقى على طول لأفعالوا بيدون وشغل نفسوا بالدخان ==== صباح الخير يامصر .. دي آخر الأخبار بينقلهالكوا أمين واحد من الأحرار صباح الخير يامصر .. وهوا دا اللي بيحصل بينقلهلكوا أمين وانا عارف كلامي بيوصل ==== كل حاجة حوالينا بايظة هو عايز هي عايزة يبقى فايز تبقى فايزة بنمرة واحد وأول جايزة تجميع غطيان ورق يانصيب ياتصيب ياتخيب دا في علم الغيب في دماغه مش عيب لأصله يسيب ويحاول يجيب اللي يملى الجيب ويجيب اللي نفسه فيه ويعيش اللي بيحلم بيه ويشوف اللي باصص عليه بعنيه ماسكوا ومحطوط فأديه بس القرش في إيدوا عصافير قص قص ريشوا برضو بيطير حلمه كبير بس صعب عسير ومش موجود ولا في الأساطير وليه يختار طريق طويل موجود منه القصير مفيش حلال وحرام مش فارقة ونسي لما كان صغير ونسي تربية ابوه نسي اموا نسي اختوا واخوه نسي ناسوا وعيلته اللي ربوه نسي مين اللي في الدنيا جابوه وأتحول واحد تاني من تاني عشان يحقق الأماني بلساني بقول الحقيقه اللي ناس كتير ليها مش عايزاني هقولها بس الوحي جاني اتكلم واطلع كل المعاني من راسي عشان خلاص وجعاني وياريت الناس تكون سامعاني