Hokoumate El Pokémonate

[دخلة] [المقطع الأول] أنا "لوراي دور" رئيس جمهورية جديد بلا مقدمات درك ندّخلو في المفيد جاي ندير الشونجمون و انّسيكم في لي فات جبت مخطّط جديد : حكومة البوكيمونات ندير تغيير من لَمْيار للوزراء قاع خاينين عندي بوكيمونات أوفياء على بالكم كانت كاينة حكومة تبهدل اليوم جيت نبدّل نبدا بالوزير الأول نجيب واحد قاوي حارّ شاعلة فيه النار أومام تون حنين يحبّوه كبار و صغار ندير فيه كونفيونس هو لي يسقّم البلاد "عرفتوه شكون هو ؟ هو "شاريزارد H/24 أفرح يا مواطن الدوش يولّي منّأ و جاي ماكاش قاع السيتيرنات نقضي على مشكل الما ، مليوم ما تزيدوش تعمروا "وزير المياه نجيب في بلاصتو "السيكويرو البوكيمون "أوديش" في بلاصة وزير الفلاحة الخضرة تولّي كاينة و في السّومة طايحة البطاطا تولّي باطل و لالجيريان يعيش مرتاح هذا بوكيمون يساعد المواطن و الفلاّح [اللازمة] حكومة البوكيمونات تعيّشكم أليز في قاع لي دومان ادّيرلكم قاع واش تحبّوا سون بروبلام ما دامني أنا الرئيس راكم في أمان [المقطع الثاني] "وزارة الثقافة نرومبلاصيها بـ "شيكوريتا قارية فاهمة ، سيرتو ما تضربش الشيتة تتهالا في ولاد البلاد بالحفلات ليل و نهار تجيب غير لارتيست لوكال عزّ الدين و هواري منار نزيد نحل مشكل التريسيتي و الغاز فالشتا ما تبردوش و فالصّيف تعيشوا أليز ما دامني أنا رايس تقلشوا و زيدوا تقلشوا "أنّحي سونالغاز و نحط في بلاصتها "بيكاتشو و في الدومان تاع السبور نحطّ بوكيمون مليح يتهالا في لي جون و يدير بروجرام صحيح يستيكي قاع لي تاد و الـ 5 جويلية يولّي فور عرفتوه شكون هو ؟ هو "بولباسور" قالولي البروجرام ما هوش عاجب لي زيليف قالولي لي بروف بارتو رام دايريم قريف أهدروا برك و أنا لي نصيب الحلول ما تخمّوش عندي بوكيمون مهبول بوكيمون يخلّص لي بروف بالدوفيز هو السول لي راح يخرّجهم من لاكريز النيفو يطلع ، الناس بار أنترنت تولّي تقرا "وزير التعليم اسمو "أبراكادابرا [اللازمة] [المقطع الثالث] الزوالي راو مريض مسكين عالعام يعاني لازم نتهالا فيه بالطب المجاني وزير الصحة هيهيه خلاصوا دراهمك "نحاوزك و في بلاصتك نجيب "بسايدوك الترونسبور علابالي الحالة مايش لاباس لازم الشونجمون باش الشعب يعيش أليز نجيب يعطيكم قاع دي 206 "و تولّوا قاع تعيطوا : فيف البوكيمون "أونيكس علابالي كاين مشكل تاع السكنى في لالجيري لي عندو يزيدولو و الزوالي في البيت القصديري درك نبدّل الوزير و في المشكل ما تزيدوش تخمّوا ""indamo indamo"" وزير السكن نجيب في بلاصتو [فاصل] بففف علاش تكوبات لينسترو علاش؟ نتا قتلي كوبيها هنايا... لالا رجّع رجّع نزيدو تاع البرلمان و خلاص أيا أطلق أيا نواب البرلمان ما علابالهمش بالشعب راقدة و تمونجي ، حياتهم رايحة ضحك و لعب قليل فيهم يخدم لا بلوبار قاع يطبّعوا "(Dodo Son)" دخلت...صبتهم راقدين أون ديري سمعوا [اللازمة]