Houria / حورية

[المقطع الأول : ك-زاد] تبّعتك بزاف باش تخليني شحال منام سكنتي ولّي ليا ماقري جامي جيتيني ! حورية خلاص النفس ، جرّيتيني بين الطرق تاع القصبة و سيد علي بوناب في الماكي قورايا ، سمعت بيك ؟؟؟ دوالة سقساوني عليك الطلاب قلتلهم راهي هنايا حوسو مليح تصيبو ، هي دايما تتخبّى تتلبّس بين الجرانن و تخيّر وين تتغدّى ديالي طلعت للحراش L’instinct تبّعت صبت عباد مور لحديد و زوج ثلاثة حرّاس "في الحيط مكتوب : "آك غالط يا خو هنا ما كان ما كان شوف من جهة الصومام واحد الوقت كانت تدور تمّاك مع صحاباتها شدّيت طريق الصومام صبت الغبار طلع للعباد في لرض طاق عـ من طاق يا عباد A pied مام الترونسبور ماكاش كمّلت لجيجل تمّاك المنظر يقعر ، ريحتها جاتني من البحر [اللازمة] حورية حورية ...وينك يا حورية حورية حورية ...وينك يا حورية [اقتباس] "J’aurais aimé avoir un patron comme ça de mon côté, j’aurais aimé avoir beaucoup d’hommes de cette valeur, de cette dimension, de notre côté. Parce que c’était un seigneur Ben M’Hidi" [المقطع الثاني : رؤوف] حورية يا حورية ما درتي فيهم وفـيـنــا عطاك ربي الزين كل الرزانة و العقلية حـبيـنـاك مـالـقــري جـــامـي شـفـنـــاك جدودنا تالمون حكاولنا عليك بزاف توحشناك قـالــو,عـليـك تقـاتلـو السـلاطيـن و المـلــوك حجــبـوك في قصـوراتـهم ، الباقي ما شافوك عـلى جالك قامت حروب ,كل واحد يحب يدّيك بالـقـوة يـفـديــــــــك ,ولاّ بـالـمـــال يـشــريـــك يـامـا جـدودنـا بكـاوعـليـك قـالوا مــا تفـارق البــال عشقوا فيك نساء و رجال،عـلى جالك حكمو الجبال سبع سـنيـن خسـروا عليـك,مـليـون و نـص شـهيــد جـــابـوك في الـ 62 و فرحـوا بيـك كتر من الـعيـد زادو حـاربـوك في التسـعينات, من بلاصة لبـلاصة بيـن الكـاسـكيـطـة و اللـحيـة ,حـتى خيـالك تْفَـاصَــا جميع من لي حوّس عليـك يا حورية كلاه الرصاص مصيـرو مصيـر بوضـيــاف و مـعـطوب الـونـــاس يـــا حــوريــة ويـــــــنك ؟ خـلّيـــنـا نـشـوفـــــوك قــبـل مـــا تـدّيــنـا الـمـــوت نتـــمنّــاو نـحضـنـوك نــســحقـــوك كـيمـــا يســـحقـك الضميـرو التعـبيـر ما تـقـوليــش انتـيا غـيـــــر أسطورة من الأسـاطير [اقتباس] "J’aurais aimé avoir un patron comme ça de mon côté, j’aurais aimé avoir beaucoup d’hommes de cette valeur, de cette dimension, de notre côté. Parce que c’était un seigneur Ben M’Hidi" [اللازمة] حورية حورية ...وينك يا حورية حورية حورية ...وينك يا حورية [سكراتش] "جميع من لي حوّس عليك يا حورية كلاه الرصاص" "سقساوني عليك الطلاب قلتلهم راهي هنايا حوسو مليح تصيبو ، هي دايما تتخبّى"