Win rayha ya Dzair / وين رايحة يا دزاير

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا[اقتباس] "نشوفو هاذ الدول لي فاتتنا ، باش فاتتنا ؟ فاتتنا بالعلم ، و....(صوت انفجار) الدّين تاع الإسلام" [اللازمة] وين رايحة و ها بلادي ؟ ...ْرايحة أوو يُوي وين رايحة يا بلادي ؟ ...ْرايحة أوو يُوي [المقطع الأول] كون ماشي حرام بلادي اسمك نديرو توشيمة هنا لي كولير لملاح غير فالآلجي و التوشيبا بوتيف أدّاتو الشيبة وكلاه الذيب و الذيبة و هذيك بنتك خليدة نَسَّاتنا في حسيبة أعطيني حقي فالبترول" ولدك آو يقول" المفاتح تاع الكوفر رقد عليهم الغول الملاحة تاع بومدين محاها محمد مَدْيَن ولّينا نتفكرو ربي غير كي العصر يبدى يذّن شبعوا فيك السّرّاقة ، الكوافا و الزادمين كون جا الرخس عندو باج كون آم هوما لي زادمين نحبك نحلف ياليمين ، ولادك مشّي ظالمين سقسي بوعمامة ، بوضياف و زروال اليمين قربي يا جزاير وذنك نحكيلك واشي صاري بنينا كي الحاج لخضر ونسينا الحاج مصالي إسمك آو يصادي من مشكل اقتصادي غدوة نفقد أعصابي كون خليفة يسامحو القاضي [اللازمة] [المقطع الثاني] كاين لي يقول آي هانية ، أون جنرال هذاك تنوفيق و كاين لي يقول آو دارها الجنرال هذاك توفيق قالوا هزّينا لي بوندرول بيد فرونسا لي تعس فيك مي شعبك فاق و ذاق المر ما بقالو وقت للتصفيق وسائل الإعلام : فسائد الإعلان غير ولد فلان و فلان و لّي فَلْسُو الأفالان بالأورو ولاّو خشان ، ما يخافو ما يخشاو كلاو ، أدّاو ، حشاو ، وحنا آسكو نتعشّاو ؟ يا دزاير ولادك شوماج ، غير لي خادم الحبس يا دزاير قتلتنا الزطلة ، كل يوم نقول نحبّس يا دزاير داروكي تجارة ، يقلّك عبّي الإستمارة ولّي يجي يخلّي مارا ، و يدير لولادو طريق [اللازمة] [المقطع الثالث] لي يجي يقلي علينا و يقول آو ولد شهيد و هو كون تفركت تلقى جدّو قتلو الفيد يا ولدي جيبو الجديد ، كرهنا من التنديد جزايري قلبو حديد و عديكا حكمو الصديد كرهنا منكم ، ولّيتو قدم كيما دحلب جزاير أنتي بقرة و قدّاه من طحّان آو يحلب الشّعب آو يحلم و يشوف الفرجة بعيدة أخرج أ السّعيد من المزرعة السّعيدة و أضحكي يا بلدان ، أضحكي كيما تحبّي لي حاكمنا آو مريض و يحبي العدل و الحرية كيما في حيفا وهمي و الشّر كبر كي لاريار تاع هيفاء وهبي [اللازمة] صحيبي هوليجانجا إنشاء الله الميساج يوصل خمسة على خمسة